هرتلة استثنائية متقطعة
....
.
.
.
*I carry NO responsibility about the comments on this Note.
.
.
.
....
-قررت
إني أبص فوق
إيه؟
قررت إني مش عايز أفوق
اه !
-قررت
إني لقيت خلاص
إيه؟
قررت إن مفيش خلاص
اه!
-قررت
إن الموت رحل
ايه؟
قررت إن الموت دا حل
اه!
-قررت
إني هخوض المعركة
ايه؟
قررت إن .. الامور متلعبكه
اه!
-قررت
أتكلم مخافش
ايه؟
قررت
......
....
..
والقرار منفعش
*مش مهم كم القررات التي بتفكر فيه ... المهم نفذت قد ايه ... او حتي بدأت في قد ايه ... طب نويت فعلا يعني في قد ايه ؟!!!
----------------------------------
وفي جو شبه مضلم
بصلي وقالي
ما تيجي ننزل تحت كمان
بصيتله بقرف
وقمت هافه قلم
وقلتله
تحت فين؟
احنا خلاص وصلنا القاع
بلم شويه
وقام راددلي القلم
وقاللي
نحفر يا جدع
الله !!
*اقتنع بالحُجَّه فقط
------------------
وقفت مره واحده
وقلتله
هو احنا بقالنا قد ايه ماشيين؟
بصلي بقرف ورد
هو انت يعني لازم تقف وتعطلنا عشان تسأل
ماتسأل وأنت ماشي
يالا
كملت مشي وقلتله
ايوه يعني مقلتليش
بقالنا قد ايه؟
بصلي بطرف عينيه و قام مكمل عادي
وقالي
بص كدا حواليلك
لو بقالك مليون سنه ماشي
هترضي تقف في حته زي دي
قلتله
لأ طبعا
قام هاففني قلم
وقالي
يبقي لازمه ام الاسئله دي ايه
*بطل تسأل لمجرد بيان انك فتك او لتضييع الوقت
اقولك بطل تسأل وجرب تجاوب
-------------------------
في مره بقولها
هو لو انتي اللي راسمه خط سيرك م البدايه
كنتِ هتختاري تقابليني؟
بصيتلي وقالتلي
سؤال غريب
قلتلها
ليكن .. خلينا نجرب
ارسمي خطك م الاول
و...
هي راحت فين !!
*خليك واقعي .... وروح دبسها قبل ما تخلع
--------------------------
وانا بتمشي في الشقه
شفتها فجأه كدا
علي بعد خطوتين
ابتسمت لها بهدوء كدا
بصت حواليها شويه
وبعدين بصيتلي
وقامت مطلعه لسانها
وطالعه تجري
بلمت للحظه
وبعدين كملت مشي
كنا عيال صغيره بقي
بعد كام سنه لمحتها تاني
ياتري عقلت ولا ؟
عامه قلت اجرب
لسه هبتسم
لقيتها
مطلعه لسانها
ويمين شمال
وطلعت تجري
يالا
اكيد مجنونه
من يومين
زارتني تاني
لما شفتها
طنشتها
ومشيت
لقيتها قدامي
بصيت في عنيها
وقلتلها
ها يالا
بصيتلي في عيني
قالتلي
ليه مش بتبتسملي
زي المرات اللي فاتت
رديت
هتطلعي لسانك وتجري
يبقي ايه الفايده
ابتسمت هي المرادي وقالتلي
مين دا
انت اللي كل مره تبتسم
وتجري
*لا دي ولا حاجه
---------------------------
وايه الفايده من الكتابه
لما القارئ كفيف
وتعلي ليه في صوتك
مهما تعلي برضه
الاعلي صوت الرغيف
ان كنت عاوز تتشهر
هجص
فليحيا التهجيص*
----------------------------
بصلي كدا بصة خبير
وقالي
خليني اقولك حاجتين مهمين عن التعليم في مصر
وقفته باشاره وانا بقوله
من فضلك .. خليك واقعي
وكلمني عن حاجه موجوده بالفعل
*old info
-----------------------------
ولما سألته هو ايه
البحث العلمي في مصر
قالي
والله الكلام كتير قوي في الموضوع دا
البعض قال انه اصلا كان اسمه
البح العلمي
والتاني قال كان البلح العلمي
الاغلبيه شايفه ان المشكله مش في كلمة البحث
انما في العلمي
قلتله .. ليه ؟
قالي
ما هو دا اللي احنا شغالين عليه
في الابحاث العلمية دلوقتي
*المراجع :وزارة البحث العلمي
---------------------------
She doesn't have to have a pretty face ...
She has to have a pretty Heart ...
She isn't supposed to love me more than herself ...
She is supposed to love herself in me ..
She doesn't have to dream ... she just have to ask ..
She isn’t supposed to be anything except (her)
*SHE=هي
:D
-----------------------------
ومن معاني الـــ...
انك تحاول تنحني
ضهرك يقاوم
ويقول
متعلمتهاش
قوم واقَف علي حيلك
دم الناس دي
ياغبي
هيروح بلاش
*اول ما كتبت كنت كاتب معاني الهرتله ولقيت انه هرتله اني اكتب هرتله قبل الكلام دا
------------------------------
-التصوير موهبه عظيمة وشئ ممتع
انا : اها بستمتع جدا بيها ونص اصدقائي مصورين محترفين
-مممم التصميم برضه والبرامج وكدا
انا : اها الابداع فيها بيبقي مميز والواحد مش بينساه وشفت كتير حاجات لاصدقاء مبهره
-مممم الشعر برضه مجال رائع
انا : طبعا وبستمتع كتير وانا بقرأ لاصدقاء رائعين ومتميزين والاهم فاهمين
-مممم العزف و الموسيقي شئ خرافي
انا : فعلا بحب كتير اسمع موسيقي بكل انواعها وبفرح بأصدقائي الموهوبين
-مممم المواهب عامة يعني شئ مهم في المجتمع
انا : طبعا وعشان كدا بحب اشجع اي حد عنده موهبه من الاصدقاء ولو اعرف افيده ان يطورها ويوصلها للناس مش هتأخر
- ممممم قشطه سلام
انا : خد بس هنا ... عمال تقولي مواهب وكدا
ومقلتليش موهبتك ايه
- مممم الصبر
انا : ههههه لا كلنا عندنا الموهبه دي
- طب وأنت؟
انا :
انا بقي بحب استمتع بكل انواع المواهب اللي ربنا خلقها واعيش مع اصحابها فرحتهم واحساسهم بيها
واتفرج واسمع واشوف واقول الله
:D
-ممممممم
* دورلك علي موهبه ولا حاجه منك له لها بلاش ام الفلسفه اللي موديانا في داهيه
-------------------------------
انا بحترم الرأي والرأي الأخر حتي اللي انا مختلف معاه
- بس فيه اراء لا تستحق الاحترام
زي؟
- رأيك دا !!!
تيــــــت
*فيه فعلا اراء لا تستحق الاحترام بس دا مش معناه انك تتيييت لهم
---------------------------------
