جمال البنت
جمال البنت .. ماهوش صوتها إللي مزّيكا ...
جمال البنت مش غنوة ..
ملامح البنت لو حلوة - سنين العُمر أستيكة بتمحي كُل شيء ف يروح ..
ميتبقاشي م الحلوة يادوبك غير .. حلاوة الروح
جمال البنت ...
لاهو الأحمر على الخدّين ، و لا الكُحل إللي راسم عين ، و لا الضحكة أم صوت رنّان ...
جمال البنت يا صاحبي مينفعشي يكون ألوان ...
جمال البنت حُضن حنون ، و قلب يكفّي كُل الكون .. جمال البنت في المضمون .. ماهوش في الشكل من برة ..
حبيبتك وحدها سُكّر - يحلّي الدُنيا لو مُرّة .
