واسال شيوخ الوعظ عن ليلي
مكروهه ولا مستحبه فالوجع
اسكرها ولا ياشيخنا دي (لاتقربوا)
فسر بما أوتيت من علم الجمال
عن آيه فعيون الصبيه
عن ريق بيجري سلسبيل
انهار عسل عذب فرات
والشعر سندس ملمسه
حوريه من اهل الجنان
وانا لسه واقف عالصراط
ياليلي كل العاشقين فوق الارائك
كاسك تمر فكل ليل ولا يشربوا
اسكرها ولا ياشيخنا دي (لا تقربوا)
ياوقت شاهد عالممالك والعصور
خبرني عن وصف(المليحة فالخمار الاسود)
كل القصايد يومها قالت هيت لك
غلقت كل البيبان
العشق لو مخلوق جبان بنهابه ليه
عارف ياشيخنا لون عنيها ازاي يكون
قديت قميص القلب
وريته صوره ليها من آخر لقا
قطع ايديه..
