بكتب بدمع العين
مجروح يا قلبي حزين
بملى سطور الآه
باللي حياتي معاه
مشتاق وقلبي اشتكى
فاض الحنين يا فتون
القلب مل البكى
معذور حبيب مجنون
عاشق تراب الندى
بس التراب مكسوف
العشق لما ابتدى
حول حياتي حروف
النون نداني الهوى
والدال دلال ارتوى
والالف مهوش معدول
فهرس كتابي انطوى
والقلب تاه انكوى
الحب اصله فصول
وانا واخد جايزه ف كل فصول الحب معاكي
انا وصلت بيا ان انا مجنون مقدرش انساكي
انا عاشق بلا مرسى
يا ام العيون خرسى
ديما لسانك ساكت لما بيسمعني
خليني اسمع صوتك دا الدمع دمعني
حبك مليان وجع وآهات
وانا عايش ليكي كما الشحات
ما كفايه عناد
وتحني عليا
للحب بلاد
واهو ساكن فيا
مقدرش احبك
دا العشق شويه
وانا راضي بحبك
متميلي عليا
انا نفسي تكوني ف كوني
وفاتحلك كل بيباني
ادخلي من ايها باب
وانا هقفل كل كياني
مشتاق اني اسمع صوتك
علشان اكتبلك بيه
انا ياما وصفت سكوتك
والناي بيعاند فيه
ماكفايه كسوف وبعاد
انا قلبي بعشقك فاض
يا فتون متحسي برامي
دا العشق عشانك ساد
