مش جميلة لأ .. جميلة
والجمال ف عينيكي يهبل
حتى رمشك لو هيقتل
بالقى روحي الدايبة فيكي
ليلة بس بألف ليلة
يا كحيلة الطرف هلي
ضوِّي روحي ملي ملي
واسرقيني بضحكة صافية
بس اوعي ف يوم تملي
يا اللي حضنك عندي عيلة
همستك ف الرقة دايبة
واخدة قلبي بشوق وجايبة
وردة ف خدودك وسايبة
احساساتي تكون قتيلة
مين هايقدر يوم يقولك
انت فعلا مش جميلة
لأ جميلة و 100 جميلة
وف غرامك مالي حيلة
بس عين العشق عاجزة
حتى ايدي كمان ذليلة
فوق حدود الحب عاشق
اقبليني ق مرة لاجيء
وافتحي حضنك ملاجيء
لليتيم اللي ف هواكي
عاش ف دنيا كتير جميلة
انت فعلا مش جميلة
ده انت 100 مليون جميلة
