إعلان

الرئيسية » » محرمات رافضه النزوع للأرض | رشا فؤاد

محرمات رافضه النزوع للأرض | رشا فؤاد

Written By Unknown on الثلاثاء، 16 يونيو 2015 | 9:41 ص



محرمات رافضه النزوع للأرض
فلسفات الحب....
محرمه بالنزوع للأرض غوايات قديمة
وعشان كده....
مانتاش متيم بطبع الخطيئه على خطوتك
فتعشق حب السعى للتوبه وجع مزمن
معالجه لتأويلات مستهلكه....
بانتحارك..... فكرة مؤلمه من ظنون مدك وجزرك جلد الكرابيج
صعبان عليك التاريخ اللى سرق عمرك
أخبار ملوثه بدم المدفونين عليك هامش
شخشخ جيوب الزمن القديم بريحة وردتك ف العشق
تشم الغرقانين فيها ميه معجونه بحب الحياه للروح
تطرح سؤال.....
هو انتو ليه قابلين تكونوا ف الغصون موتة
بكلمة السر العتيقه
حلقة الوصل مش كامله بين الوجع والحب
ورحلة التحريم ذكيه ف توب الخلاص م النور
بس الأكيد العتمه مش كامله
نص القمر بيدور ع المتاهات غرووب
مرايه بتعكس الرؤيه....
رغم شرخها العاشق خلود الكسر
ونضوج أجنه بترمى همها للنيل
آخر توب زفاف مطرز بدم
دم الوجع.. مخلوط مع دم الحياه
مع الموت اللى واخد دور البطل
إكسير وداع لمحرمات رافضه النزوع للارض
التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4