مش مهم
هاتقرَّبى
أو تبعدى
مش دا المهم
بس السؤال ..
إزاى هاعيش
من غير عنيكى ؟
ده الأهم .
.....
شفت الدموع مالية عيونك ... والندم
زى الجراح عمَّالة تنزف م الألم
حتى الإيدين وقت الوداع متشبِّكة
مظلومة تشكى للزمن
حتى الخطاوى ع الرصيف
ماليانة خوف متكتفة
مسجونة سكِّتها العدم
حتى الطريق وقت الرحيل
قاعد يسقَّف ع الكفوف
عمَّال بيطرح أسئلة
رافض يكون سيف للظروف
اللى بإيديها تضمِّنا
حتى البلابل والطيور
غنِّت أغانى محزنة
حتى القمر حتى النجوم
سهرت تودَّع حبِّنا
.......
وانتى حبيبتى مش هنا
قلتى الظروف دوَّامة أقوى منِّنا
كانت دموعك وحدها
هى عزايا ف حبنا
حكم القدر يبقى الفراق
مكتوب لنا
هاتقرَّبى
أو تبعدى
مش دا المهم
بس السؤال ..
إزاى هاعيش
من غير عنيكى ؟
ده الأهم .
.....
شفت الدموع مالية عيونك ... والندم
زى الجراح عمَّالة تنزف م الألم
حتى الإيدين وقت الوداع متشبِّكة
مظلومة تشكى للزمن
حتى الخطاوى ع الرصيف
ماليانة خوف متكتفة
مسجونة سكِّتها العدم
حتى الطريق وقت الرحيل
قاعد يسقَّف ع الكفوف
عمَّال بيطرح أسئلة
رافض يكون سيف للظروف
اللى بإيديها تضمِّنا
حتى البلابل والطيور
غنِّت أغانى محزنة
حتى القمر حتى النجوم
سهرت تودَّع حبِّنا
.......
وانتى حبيبتى مش هنا
قلتى الظروف دوَّامة أقوى منِّنا
كانت دموعك وحدها
هى عزايا ف حبنا
حكم القدر يبقى الفراق
مكتوب لنا
من ديوان " عفواً .. سقط .. العنوان... سهواً 2001
