رافضــــــني ....
هالة فتحي
رافضــني
و باعلن .. ده معــذبني
ما هوش اول جريمه حب
جميع أركانها تغلــــبني
لكن موجوعه من رفضه
تعب قلبي يــــثور وحده
و يهزمني
و اغيب و اغلب
و باشــــتاقله
و تاني ارجع ... و يرفضني
يا خالي القلب وجعك طال
غلب كل الكلام يتقـــال
فاضل لي معاك يا دوب مــــوال
يا ريت انغامه .. تنصـــفني
بَحـــبك
بَحبك رغم مرفـــــوضه
بِحُبك و الله موعــــــوده
هتفضــل ايدي ممـــدوده
امانه عليك ما تكســـفني
سمعت كتير عن العاشقين
و قالوا حلاوته بين اتنين
و اجيلك مايله كلي حنين
بتقل الخيبه توصفني
يا قلبي عليك يا عاشق ضل
يزيد وجعك و لا بــيقل
صحيح كسر القلوب بـــيذل
تكمل سكتك .. محني
و اقيم ضهري
و يرفضني
....
..
