هو بس اللي كان عارف عنها كل حاجة مش حاجة وحاجة
هو بس اللي كانت بتسمع صوت صمته
هو بس اللي مكانش ينفع تقوله معرفش عشان هو واثق انها عارفة كل حاجة
هو بس اللي كان ممكن يسألها اغرب الاسئلة ولحد دلوقتي متعرفش هي كانت بتجيب الاجابات منين
هو بس اللي قدر يبهرها بذكاؤه
هو بس اللي كان مسلم بجمالها وشايفه مسألة لاتقبل النقاش
هو بس اللي كان كبرياؤه لايوصف كان يقدر تخليها تسمع كلامه من غير ميقوله
هو بس اللي كان نفسه يخليها تكسر كل القيود بس هي دايما كانت بتخذله
هو بس اللي كان قادر يفهم خجلها لما يستخبي جوا العنف والخوف والغباء
هو بس اللي يوم ماجرحها خلاها تنحني لذكاؤه وتصقف له في انبهار من غير ماتاخد بالها من دم الجرح اللي سايل
هو بس اللي .......
