امشي
ما تبصش وراك
العالم مش واقف ضدك
و مش وياك
لو كنت صح .. خلاص
وان كنت غلطان
في الحساب
اقفل ف وش الأزمة باب
:واكتب عليه
"أنا مش ملاك"
طلع صور كل اللي خانوا
من جيوبك
دوس عليهم
زي ما بتدوس عيوبك
وان حزن قلبك عليهم
قول: فداك
راح اللي راح
والجاي
بكرة يروح
هتقف وتستنى هنا ؟
طب مين هيستناك ؟
سيب الزمان يحكم على حالك
مين اللي شيلته لضعف حيلته
ومين سأل : مالك؟
كمل طريقك
انتبه لخطاك
وامشي
ماتبصش وراك
