الأ رض طبع الفلاحين
*****************
زي الغلابة في ضحكتك
فدادين بياض
في القلب يرووا المحرومين
يا ام العيون المغرمين
هدى الخطاوي ع الجسور
ده أنا قلبي يشبه أرضنا
وأرضنا ما تعشّ بور
الأرض طبع الفلاحين
بيشقها سلاح الوابور
يخضر فيها ألف نوع
الإرض وإن صابها العطش
ما تموتش جوع
تفتح شقوقها للإله
ولا عمرها ضمت وجع
الأرض زي النيل جدع
يشبه عيال الغلبانين
يا أمايا غنّيلي الوطن
تحت النخيل
وسبيني أغني للعيدان
والقلب نيل
يا أمايا ضميني الونس
حضن الخضار
دا الليل حدانا مش مخيف
الليل نهار
فارش خيوطه ع البيوت
الليل ما كنش ف يوم سكوت
الليل *** له ألف وألف صوت
زي الغيطان والفلاحين
مع إن سر الضحكه فيه
بيلبس التوب الحزين
الأرض زي الفلاحين
*****************
زي الغلابة في ضحكتك
فدادين بياض
في القلب يرووا المحرومين
يا ام العيون المغرمين
هدى الخطاوي ع الجسور
ده أنا قلبي يشبه أرضنا
وأرضنا ما تعشّ بور
الأرض طبع الفلاحين
بيشقها سلاح الوابور
يخضر فيها ألف نوع
الإرض وإن صابها العطش
ما تموتش جوع
تفتح شقوقها للإله
ولا عمرها ضمت وجع
الأرض زي النيل جدع
يشبه عيال الغلبانين
يا أمايا غنّيلي الوطن
تحت النخيل
وسبيني أغني للعيدان
والقلب نيل
يا أمايا ضميني الونس
حضن الخضار
دا الليل حدانا مش مخيف
الليل نهار
فارش خيوطه ع البيوت
الليل ما كنش ف يوم سكوت
الليل *** له ألف وألف صوت
زي الغيطان والفلاحين
مع إن سر الضحكه فيه
بيلبس التوب الحزين
الأرض زي الفلاحين
ما تموتش جوع
محمد حميدة:
