إفتح زنازين الحرية
وإهتف بكيانك لو ثاير
زنازين الضلمة المقفولة
تتفتح علي شهر يناير
ف إفتكروا الصور المرصوصة
مع نقط الدم علي كفوفنا
وصلاة الشهدا المتعادة
نتوضي بدمع مع كسوفنا
وإهتف ياشهر الميت شهيد
إهتف بأعلي وأعلي صوت
قول إن شهرل لينا عيد
وبنينا فيه لفرعون تابوت
محناش بيوت
هتدها أمر الإزالة من سلامك
وألا كنا حشية حملتك
يصنعها أمرك من كلامك
ملعون أيادي الظلم لما
سجنت بلادي عشان جنابك
ف إفتح زنازينك لو تسمح
وإسمع صرخات الحرية
إنزل بعيونك علي أرضي
وتشوف أحلامنا المرمية
لساها مكان دم الشهدا
من ثورة وقلبت لعصابة
لعصابة حبة حرامية
ف عزيزي الريس الحاكم
ياوارث أرضي بعيونك
نقول الحق نتحاكم !!!
تموت كرامتنا ف سجونك !
ولساها الأية بتكرر
الملك بيديه بمشيئته
وإن كان البحر سعات هادي
من موجة وثايرة علي بلادي ف البحر هيقلب ف سفينته
ده يناير جاي مع الشهدا
بيرقص دم حمام طاير
والحق عشانهم لسه مجاش
طب ليه بتلومني إن أنا ثاير
من أمر براءة مع دموعي
للخوف من ثورة تعلي ف قصر
وبراءة يابلدي من ظلمك
ومش هرفع علامة نصر
براءة بدم أولادك !!
وكان وردك جناين مصر !
الشهر ده فيه قدسية روح
بنطبطب فيه علي أم شهيد
وبواقي الذكري تقول ياميدان
الثورة معاك مكنتش نشيد
ده هتاف الصمت ألي ورثناه
كان خوف لزمان لو مش فاكرين
وإفتكروا كمان أحلام متسابه
هتبان مع نور ٢٥
