هما ناس واحنا ناس ..!!!!
ف الروح أدلة ..!!
إن فيكى الحب .... علة
وإن عشاقك .... أذلة
وإن خناسك ..... ماخلى
ف الطريق غير السراب ..!!
كل مانفتح ف باب
نلقى جوه الباب ده شلة ..!!
و الحضور ... زى الغياب
هما هما ف كل مرة
خلق من برا ... المجرة
خلق مش وش المسرة
بس قالوا هتبقى فلة ..!!
واحنا صدقنا بعباطة
جم وجابوا الإكتئاب ..!!
أصلهم مش وش نعمة
وإحنا مضطرين يانعمى
يايسوقونا للعذاب ..!!
والعذاب ده ف كل حتة
صرف لو من غير روشتة
هم طافح ع " الكاورتة "
غرقونا ف "بحر" ..دين
لا .. ورمونا " بين " و " بين "
لما قيمنا آدان ف مالطة ..!!
وببساطة جابولنا جلطة
كتفونا ف حلم ساكن كل عين
هى " ثورة " ولا " ورطة " ؟!!
" إنشراح " سألت " حسين "
- ثورة يعنى شعب يحكم
شعب يتحكم ف خيره
شعب مش محتاج إعانة
او إهانة شعب غيره ..!!
- طاب قولولنا نجيب منين ؟!!
وإنتوا زى جراد بينهش
ف الغيطان من غير ضماير
خلق ياما ف الشوارع
ع القهاوى
ف المواقع ..
ع التواصل لإجتماعى
- طاب يمين ... واقطع دراعى
إن ده نفس الكلام
اللى قاله زمان " مبارك "
يعنى ف نهايتة الكلام
إتغاظ ياشعب وموت بنارك ..!!
هما ليهم من مارينا لحد شرم
وإحناا لينا الجوع بيفرم فينا فرم
هما ليهم ف النوادى والقصور
وإحنا سكان القبور
كل 10 يادوب فى " خرم "
وإنتى لسه بتداديهم
وتسيبينا وتجرى ليهم
فرقونا الله يجازيهم
قسمونا ل 1000 ملة
وإحنا ياما وهما " قلة "
بس ناس ليها النعيم
وناس ماليها غير مذلة ..!!!
إن فيكى الحب .... علة
وإن عشاقك .... أذلة
وإن خناسك ..... ماخلى
ف الطريق غير السراب ..!!
كل مانفتح ف باب
نلقى جوه الباب ده شلة ..!!
و الحضور ... زى الغياب
هما هما ف كل مرة
خلق من برا ... المجرة
خلق مش وش المسرة
بس قالوا هتبقى فلة ..!!
واحنا صدقنا بعباطة
جم وجابوا الإكتئاب ..!!
أصلهم مش وش نعمة
وإحنا مضطرين يانعمى
يايسوقونا للعذاب ..!!
والعذاب ده ف كل حتة
صرف لو من غير روشتة
هم طافح ع " الكاورتة "
غرقونا ف "بحر" ..دين
لا .. ورمونا " بين " و " بين "
لما قيمنا آدان ف مالطة ..!!
وببساطة جابولنا جلطة
كتفونا ف حلم ساكن كل عين
هى " ثورة " ولا " ورطة " ؟!!
" إنشراح " سألت " حسين "
- ثورة يعنى شعب يحكم
شعب يتحكم ف خيره
شعب مش محتاج إعانة
او إهانة شعب غيره ..!!
- طاب قولولنا نجيب منين ؟!!
وإنتوا زى جراد بينهش
ف الغيطان من غير ضماير
خلق ياما ف الشوارع
ع القهاوى
ف المواقع ..
ع التواصل لإجتماعى
- طاب يمين ... واقطع دراعى
إن ده نفس الكلام
اللى قاله زمان " مبارك "
يعنى ف نهايتة الكلام
إتغاظ ياشعب وموت بنارك ..!!
هما ليهم من مارينا لحد شرم
وإحناا لينا الجوع بيفرم فينا فرم
هما ليهم ف النوادى والقصور
وإحنا سكان القبور
كل 10 يادوب فى " خرم "
وإنتى لسه بتداديهم
وتسيبينا وتجرى ليهم
فرقونا الله يجازيهم
قسمونا ل 1000 ملة
وإحنا ياما وهما " قلة "
بس ناس ليها النعيم
وناس ماليها غير مذلة ..!!!
