في وسط شوارع البلدة
في ناس عاشوا وناس ماتوا
وناس اصلا مابنشوفهاش
وناس للبلدة عشقانه
وبتدمع
تشيل على كتفها المدنة
و فـ الجامع بتتلوا بصوتها قرآنها
وتعشق صورة العدرا
وبتجمع
ولا تفرق مابين الناس
وناس هتيفة وهتافها
كلام و خلاص
يعيش مولانا والحامي
مات الملك ... عاش
***
في وسط شوارع البلدة ،
في كام واحد من الاخيار
وكام واحد من الاوياش
و كام واحد ضاربها طناش
ووش بشوش ،
ووش عبوس
ومكشر
وضحكة يدوب ،
في وش الصبح بتعافر عشان تطلع فتتكسر
***
واللي باقي في الشارع
جبال أحزان !
وصرخة موت خلاص ملت من الشارع
عشان ماتت في احضانه 200 مرة
و 100 كمان
و 100 كمان
وكام 100 هاتتسمَّع عشان نحفظ
ولا بنحفظ
وناس تسمع ولا تعبَّر
وناس تتأخون ، وبتصدق
وناس تانية بتتعسكر
ولسه الضحكة مخنوقة بتتكسر ،
في وسط شوارع البلدة
وبتدمع
ولسه التوبة مقبولة
فمين ... يسمع
=======
#وليد_الاسيوطي
=======
