---------------------------((((الســــــــكوت))))----------------------
....باسم صلاح.......
شفت السكوت...؟
حاجة كده
زى جدر الزرع لما
ف يوم يموت
والأرض حاضناه بفترا
مش حضن حانى انما
حاجة كده
مدمرة
قسوة بتوحش مجرمة
وكأنما
كل الحروف الملهمة
باتت عدم
(((عدم المؤاخذة)))
زى جثة معفنة
واستخسروا فيها التابوت
شفت السكوت؟؟؟؟!!!
قدمت قربان
زمان......
للوهم والخوف والعدا ؟
قالوا سكوتك يا جثة الاحزان
رضا.....!!!!!
شفت البجاحة ؟؟؟؟؟
ياااااااااااه
بيمارسوا فوق حروفك المقتولة
جميع فنون العربدة
عشان فسروا سكوتك
بأنه ببساطة
رضا.....!!!!!
خلوك دبانة مقتولة
نسجوا جوا شرايينك
وحوالينك
خيوط السم
والهم
والدم
والغم
والوهم
كالعنكبوت
شفت السكوت؟؟؟؟
هاتروح تقدم واجب العزا
فيك....؟?!!!
طب خد معاك لفة ورود متحنطة
والقى
نظرة وداع على جثتك
وياريت تدمع وانت باصص
للى فرحوا فيك !!!
خلى دموعك من عنيك
تنزل عليك
عيط اوى
ماتسبش نفسك تموت
مكبوت.....!!!
شفت السكوت؟؟؟؟؟؟
...... باسم صلاح ...... —
