سبع سقفات
وعيون ف الضل
3 ضحكات
وحضني الخل
يا عيون بتمل ساعات الصمت
ساعات البوح
أنا روحي تروح يا سهم سكنت
في قلبي وتبت
عيوني ما خبت
يا نفس وحبت ودايما تحن
في عيونها سحاب
ومطر بيداوي أي جروح
أنا قلبي كتاب
وسطور مكتوبة منين متروح
يا ريح بيفوح وشط حنين
وعيون ساكتين وناي مدبوح
أنا مهري ريق
وبراح مفتوح
وسلام وحنان ساعات الضيق
وكتف صديق وزعيق منبوح
رويت الخد من دمع العين
وبنيت السد يسد الشوق
وأنا نظري لفوق
والروح في الأرض
يا براح ف القلب يساعي الخلق
الضحكة تزلزل
بحنان متغزل
وأنا كل م عزل أغرق ف الفلق
أنا وتري أتشد
يعزف ألحان
أنا ضلعي كمان يعزف للورد
خدك وردي
عاشق وردي
وأنا كل م أعدي
أستني وأهدي
ب سبع سقفات
