كان ابوك مستني رجوعك تعدل المايلة
يا ابو الكتاف شايلة البلد ..... شايلة
يا اسمر جميل العود الموت ما كانِش ليك
ايه م الدموع يكفيك ؟! يا اسمر بلون الأرض
أمك يا وِلْد العم جابها المُصَاب الأرض
قاعدة قليلة الحيل
تجري دموعها النيل
يا ابو الكتاف شايلة البلد ..... شايلة
يا اسمر جميل العود الموت ما كانِش ليك
ايه م الدموع يكفيك ؟! يا اسمر بلون الأرض
أمك يا وِلْد العم جابها المُصَاب الأرض
قاعدة قليلة الحيل
تجري دموعها النيل
ناموا ولاد الأكابر جوّا في التكييف
فاطرين نهار رمضان !
وانت في نهار رمضان
عطشان تموت في الحرب
فاطرين نهار رمضان !
وانت في نهار رمضان
عطشان تموت في الحرب
مين غير أبويا وأبوك قاموا في ساعة الكرب
وحطّموا بارليف
وحطّموا بارليف
و مين غير الغلابة بيرفعوا الأعلام ؟!
لابييجوا في الإعلام ...
إعلام أكابر زِيف
لابييجوا في الإعلام ...
إعلام أكابر زِيف
ماتوا الغلابة صيام في عز نار الصيف
عطشى لِبَلِّة ريق
هل حد يعرف اسمك يا هلال شوال ؟!
هوا انتا نائب عام ؟!
أو ابن واحدة شِمال ؟!
عطشى لِبَلِّة ريق
هل حد يعرف اسمك يا هلال شوال ؟!
هوا انتا نائب عام ؟!
أو ابن واحدة شِمال ؟!
حرام يموت الفقير في زحمة الطوابير
على رغيف العيش أو حجز أنبوبة
أو ع الحدود من قِلِّةْ معطوبة
أو في مظاهرة وطن
برصاصة أو طوبة
على رغيف العيش أو حجز أنبوبة
أو ع الحدود من قِلِّةْ معطوبة
أو في مظاهرة وطن
برصاصة أو طوبة
مين غير ولاد الغلابة بيعدول المايلة !
كفاية كدب وزيف كدبتكو مش خايلة
.......
كان ابوك مستني رجوعك تعدل المايلة
يا ابو الكتاف شايلة البلد ..... شايلة
كفاية كدب وزيف كدبتكو مش خايلة
.......
كان ابوك مستني رجوعك تعدل المايلة
يا ابو الكتاف شايلة البلد ..... شايلة
