انا حيا الله بس حتة عسكري جوه كمين
بيني وبين الموت يادوبك شبر او شبرين
راح تنصفوني بغنوة وشوية كلام وكام سلام
لكن امانة تقولوا ع اللي قتلني مين
يا موحدين بالله ما تعيطوش انا لسه حي
ولا تفرحوش ده الليل هيخنق اي ضي
كل اللي ماتوا صحابي واخوات دفعتي
مستنظريني على الفطار وانا دوري جاي
ادعولي بالرحمة امانة وكبروا بقولة امين
يا ام سماعين ابنك بطل ولا عمره خان
ولا كان عميل ولا كان قصاد الموت جبان
كان كل ذنبه انه مآمن بالقوي ساعة الصيام
لكن عديم الدين نوى واستقصده وقت الادان
قبل الشهادة بكلمتين بلل عيونه بدمعتين
هلل وقال الله اكبر فوق كيد المعتدي
يا رب انصر مصر امي وام كل الطيبين
