علاء عيسي
لانا عمرى يوم شفتك
ولا كنت يوم خالى
انا قلب موش للسكن
أنا قلبى للتمليك
والقلب ملك الوطن
أنا قلبى موش خالى
ولأجل هذا البلد
ولوضعنا الحالى
قررت أسيبه كده
واقفل على قلبى
ومسيرها راح تفرج
ونفتحه تانى
للحر والغالى
وساعتها نعمل فرح
ليالى وليالى
حال الوطن لو عَدل
هاينعدل حالى
وبرغم بعض الناس
قالوا عليك خالى
لكن انا باعتذر
مالهم ماهوش مالى
حالهم ما هوش حالى
ولا عمرى يوم شفتك
ولا كنت يوم خالى
انا قلبى مش للبيع
أنا قلبى ملك الوطن
يبقى الوطن خالى
