أحمد فخري الأسواني
طاب تخيل
ان روحك نسمة صاحية الصبح قادرة
أنها ترحل بخفه جوه جنات الأمل
وان قلبك ورقة شافه ضحكة طالة
من بين شفايف بنت بتنبت سنانها
فرحانه باول سنه تطلع
او صف اسنان اكتمل
او نغمه طالعة من بين ايدين عارف بيعرف
لما ع الأوتار يحسس
يخلى كل الدنيا ترقص
وان حزنك باش فى قلبك
ثم قلبك اتغسل فعاد بيلمع
وأن ذنبك اتغفر
لما قولت فى يوم هتخشع
وأن كل الدنيا طوعك
وان يومك لما يضحك
تلاقى كل الناس بتحضن ضحتك
طاب تخيل
بس أصدق فى التخيل
على قد ما تصدق خيالك
على قد ما للحلم توصل
