محمد الحمامي
ببســـاطة للمرة_التالتة
أوعي في يوم م الخَلق تقرب
أصل الناس كدابة يا زميلي
لما بتغرَق...الكل بيهرب
وسط دموع وأداء تمثيلي
خَلّي كلامك كُله مجاملة
وإملاه كدب قد ما تقدر
خَلّي دموعك تنزل كاملة
يمكن بيها تكسب أكتر
صاحب صاحبك وزي ماتيجي
كل فلان بيبان علي أصلُه
قول للدنيا أوعي تعيدي
جرح قديم وغالي في مَصلُه
صاحبي سألني "أخبار حلمك"
قولت خلاص بطلت أراسله
أمي كات بتقول لأبويا
أبنك أصلا عيل خايب
بيقول شِعر وشِعره مُسَيَس
فَك زمامه وأصبح سايب
أما البنت إللي اسمها جارتي
فاكراني دايما طول م أنا غايب
حالفالي ما هسيبك مرة
عشمانة في قلبي الدايب
كُنت زمان وانا لِسّه صُغير
بكتب شعر بإسم غلابة
لكن دلوقتي خلاص يا زميلي
كُل الناس بتبان كدابة
