مستغربك جدا
هاني آدم
مستغربك جدا
في العشق مجنونه
و ف قسوتك نار قايده
فاقت اللي جرحونا
عيونك الخمره
تسكر دواويني
و ف ضحكتك مفتاح
للدنيا بتجيني
مستغرب الطيبه
و الحضن لما يساع
في الجرح حبيبه
و في الفراق أوجاع
علي سلم اﻷحلام
خدتيني باﻷحضان
و مسحتي دمعه عزيزة
لقيت فيك العنوان
حلفت علي نفسي
تحرم عليه حياه
ما تمليهاش رقه
و تكوني ضحكه و آه
أنا فارس اﻷحلام
و حصاني غنالك
مشتاق ياسمرا عنيد
دنيايا أحضانك
