إعلان

الرئيسية » » وقف | هاني مهران

وقف | هاني مهران

Written By Unknown on الأحد، 15 مارس 2015 | 5:54 ص


وقف
هاني مهران


وحدي 

مستني الناس تيجي

والناس ما تجيش

آسف جداً

_أقصد _

وحدك

مستني الناس تيجي

والناس ما تجيش

والقلق الساكن جوا عينيك

بيخبي عليك كل الصورة

أنا أقرب واحد كان ليهم

لكن هُمَّ

مش أقرب حد يكونوا إليك

فتخاف جواك

معقول؟ معقول

فتقرر تفضل وحدك

وتلم دموعك على نفسك

تدفنها فـ قلبي

تضحك

للناس الجايَّة لْغيرك

والناس الجايَّة لْغيرك

ميّتة من كُتر الضحك عليك

الصبر

الناس جايَّة

إخواتك وأصحابك وحبايبي

كل الناس

الصبر

اوعاك تقلق

تتفاجئ إن ما حدش جاي

تِفْضَلْ تِسْتَقبل فـ رسايل

آسف / آسف / آسف جداً

تضطر تشغل عقلك

تتخيل

إن الناس الجايَّة لْغيرك

جَايَالك

تضحك على نفسك جداً جداً

وتعاتب نفسك

وتشخبط على كل قصايدك

فأموت


التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4