الأقدم !
عادل عثمان الحجار
أنا مش غاوي كلام وحديد ..
لكن نفسي بجد اتقدِّم
وأشوف بلدي ف عصر جديد ..
ولافيش حدِّ ف بلدي بيهدم
اللي بيزرع ..
واللي وبيصنع ..
واللي بيبني
مصرنا تصبح فوق الكل
تبقى الفخر لإبنك وابني
*****
ييجي رئيس وبيمشي رئيس ...
حبـِّـة صدق كتير تهييس
بس الجاي ف بلدنا أهم
لو راح تعدِل ..
والقى الكل يعيش في كرامه
مصر بترفع بيك الهامه ..
يبقى أكيد ح انزل وانتخبك
لسَّـاك عايش في التهييس ..
يبقى ابعد عنـنِّـا واتلم
*****
أنا مستني رئيس بيلم
ويطبطب على كل ضعيف
يشرب منـُّـه عدوي السم
وابني بيشهد إنُّـه نضيف
فِـكر وعِـلم وشُـغـــل كتيـــــــــــــــر
مصر بتعلى / وبتتقدِّم
تبقى منـاره لكل الكون
فوق الكل شعاعها الأعلم
مش كل امَّـا بننطق مصر
تبقى حضاره / بس الأقدم !
===========
