ايمان
عمرو شاهين
ايمان
نفسى مره انسى
حرف من حروف
اسمك القليله
نفسى مرة
انسى نظره من عنيكى
الجميله
نفسى مره
اقدر افوتك
انسى وشك
انسى شعرك
انسى حبك انسى صوتك
نفسى مره بجد انسى اسمك
بس قبل ما انسى
نفسى اسال سؤال
ليه بشوفك جوه
ننى كل واحده
؟
ليه بحس انك معايا فى كل لحظه؟
فى كل كلمه
فى كل خطوه
ليه معايا؟
حتى لحظه
مادماغى تفز
شارده
بلتقيكى لسه جنبى
حيلى عنى وارحمنى
ارحمنى من جنانك
من حنانك اللى حلمت به تملى
رغم انى برضوا عارف
انك انتى بعيده عنى
ليه لما اشوفك
حتى صدفه
قلبى يهرب من ضلوعى
والتقيه جوه الفانله تحت كوعى
خايف ليدق جامد تسمعيه
تنزل دموعى
تحكى على شايله ليكى
رغم بعدك مش ناسيكى
لسه فاكر خوخ شفايفك
لسه حافظ لون عنيكى
لسه فاكر الابتسامه
حتى نظره الملامه
مش ناسيها
واجرى ادور على ذكرى
وحشه مش لاقيها
اعتقينى
اخرجى من جوه قلبى طرقينى
ولا اقولها بالصعيدى هملينى
بس بعد كل اللى قولته
اوعى لحظه تصدقينى
ايوه عايزك جوه منى
لسه رايدك بيت حاضنى
اصل حبك ياجميله
الصراحه
اقوى منى
