اعـــــــــــتراف ....
هالة فتحي
اه ضعيفه و باعترف
مش ضروري اختلف
زي كل الناس باحس اني وحيده
قلعه مهجوره و بعيده
حتى لما يجيني زاير
عمري ما حسيت سعيده
بابقى حاسسه اني مش من حقي اكون
صوره عابره للعــــيون
كل فايت يرمى نظره
تنويعات من كل لـــون
اللي عايز و اللي عاجز
و اللي مالياه الظنون
اللي طامع و اللي سامع
و اللي امره كن يكــــون
و اللي مليان بالغموض
و اللي مالياه الوعود
و اللي بيحاول يقرب بس مانعاه الحدود
كل ده و انا ف الحقيقه
جوه مني روح بريئه
لو بأيدي انزل في بحري بس خايفه اموت .. غريقه
خايفه اقرب و ابقى باحلم
خايفه اجرب تاني انــــدم
خايفه أألم
بس برضه .. خايفه ييجي الليل عليا
و ألتقي فاضيه أيديا
خايفه اخر الرحله تبقى هيا هيا
وحدي بردانه و بعـــــــيده
مش سعيده
كل افكاري لبكره
سايبه روحي بترتجف
و الحقيقه اني ضعيفه
ايوه جدا
باعترف
.
