... دقـــات ...
أمير لبيب
القلب
حالة فلسفة
تكثيف لكل الموجودات
فى كلمة واحدة
" لحظة "
دلوقتى
اللى بعد
لحظة كمان
اصبح .. من شوية
ذاكرة
مليون فلاشة و كارت ميمورى
اتجمعوا
و بيرسموا
بكل فن العشوائية المبهمة
كلمة " حيــاة "ـ
__________________
القلب
و الدقات حياة
دقة المسمار
بكل القسوة فى ايدين المسيح
دقة المسمار عمار
دقة المزمار فرح
دقة الكعبين بنشوة فوق شطوط التانجو
و الرقص فى يوم الزفاف
و دقة الساعات بلهفة فى الفرح
و دقة الساعات بموت
... فى الموت
_____________
يبقى السؤال ...ـ
بنعيش
نعد دقات القلوب
تطرح حياة
ولا قلوبنا
هى اللى ماشية تدق اسرع م الزمنعلشان نعيش ..!!ـ
