مـــــلامـــح
العمر لسه بيرمى ورقه
تحت خط الانتظار
فاصل صغير م الحياة
( 1 )
كل اللى حاولوا يصدقوا
معنى النجاة
اتلف طوق
حوالين ملامح ضحكه هربانه
وأملها كان طوق النجاه
( 2 )
الاغتراب مش بس غربة ف المكان
الاغتراب فقدان أمان
انك تكون وسط البشر
وبرضو مش لاقى الحنان
( 3 )
كل اللى حاولوا يطلعوا
فوق جبال الامنيات
ويكسروا صخور السكات
اتشعلقوا ف حبة سراب
واتجمد الفرح لسكات
لساك ياعمر مكلبشه فيك الحياة
مع انها رافضه تكونلك
طوق نجاه
