الوحده براح
مني ناصر
...الوحده براح...
..مفرود ع الضلمه بـ جناحاته
..بيزود نور الشوق جواك
..الوحده بتقتل فـ الارواح
..وبتسهر وحدك ويّا الليل
..والليل مشغول بـ اهتماماته
الليل عُشاق بيصلوا فـ عين الهوا دايما
"الليل "
الليل محبوس فـ ظلام الروح اللى بتكسر قلبك جواك..
الليل معشوق
بيناجى فـ عشقه لـ محبوبته ..
محبوبته دى أصلا مش سامعاه ...
بتناجى تملّى فـ محبوبها ...
وده عاشق واحده مهيش ريداه ..
الليل بيضفر فـ ملامحك
..فـ تبان تجاعيد وتبان شيبتك ..
تجاعيد الوش المرسومه
بـ دمع حبيبتَك
الوحده هتفضل تحسبلك خطوات الشوق ..
من اول ما الشمس تفارق ...
تتكلم تُسكت مش فارق ..
مكتوبلك تفضل كده وحدك ..
!تتمنى تفوق ,,
تستنى تدوق ,,
تستنى تدوق فـ الليل عشقه
وتحس بـ فرح نجومُه معاك
وبـ تفضل تشهق فـ الاحلام
وعيونك صاحيه بـ تتألم
فـ تشِد جفون الليل وتنام
