بكتب عن
تنهيدات الحب ف عيون البنات
وحمرة البنت اللى المعجونه بخدودها
يوم ما يلمس ايدها العشق ويسلم عليها
و خروج القلب فى نزهة حياه
وتهتهت
رمش الولد وهو بيبص لحبيبته
و انطلاقة روح بسرعه
واصطدامها بقوس قزح الامنيات
و نزول مطر الغرام
ف حضن قلبين كان لحافهم حزن
كاسى عمرهم
و سقوط روحين
ودحرجت الوجع فوق وشهم
كلمتين ممكن يكونوا
مفتتح لكون جديد
او يصبوا المعنى
ف بحور النهايه
يرمونا ف طريق اللاشئ