آه بقي
طب قولي مره
او لمّحي
انك فهمتي
ولما بتقرأي
حروفي
بتفرحي
قولي كلمه
بلاش بصمتك
تجرحي
قولي انك زعلتي
من الكلام
طب حتي بس
ارمي السلام
ولا أقولك
امشي وخلاص
اصل الحكايه
في قلب تايه
جوا في ضلوعي
ملوش خلاص
ملوش كلام
غير بس سيرتك
وكل همه يضم صورتك
ولما بحاول أفهمه
أنك
.....
مبعرفش أكمل
يا ما في العمر
صدمته
منا اصلي
مبعرفش أجَمّل
شوري عليا
قولي رأيك
انصحيني
كلميني ولو بعقلك
اضحكي مره عليكي
وحياتي عندك
المسي قلبي باديكي
يمكن
يتخلي عنك
ساعات بحس اني
سعيد بالشعلقه
وساعات بخاف
اني أفوق
ع اللا لقي
وانتِ جميله
ورقيقه
و
آه بقي
آه بقي
