مفهمتكيش، لسه ..
وسط العذاب والعتمة ..
وسط الزحام والطين ..
بداري وسط الخلق ..
وابصلك خلسة ..
والمح ف عينك نور ..
وحرير وماس وقصور ..
اقول لنفسي اكيد ..
مفهمتكيش لسه ..
مجنون بحبك .. ليه !!
وعاشق ترابك ..ليه !!
لا عشت فيكي ملك ..
ولا سعاة البيه ..
طب ليه بتغريني ..
وارحل تشديني ..
قطعت شراييني ..
ووهبت لك عيني ..
وانتي ولا حاسة ..
قلتي عليا عميل ..
وف جيبي قال .. تمويل .
انتي اللي طول عمرك ..
غاوية تذليني ..
وتعلي ف الدلاديل ..
ارتاحي يا عمري ..
دايب ف حبك دوب ..
مكرهتكيش لسه ..
انا بس مستغرب ..
الحب فيكي بعد ..
والكره ليه قرب ..
الوحدة لسه غريبة ..
والفرقة شئ اغرب ..
الحزن بيشرق ..
والفرح بيغرب ..
وارجع واقول يمكن ..
مفهمتكيش لسه ..
انا بس ليا رجاء ..
لو بس يوم اسوكي ..
ونسيتي يوم اسمي ..
وغطوا علي رسمي ..
انا مستحيل انسي ..
انا احنا كنا اتنين ..
وان احنا ورقة وقلم ..
كتبت اولها بدمي ..
" يحيا الوطن "
" ويسقط اللي ظلم "
وان كنا وسط الريح ..
هوهب حياتي عشان ..
مركبك ترسي ..
واوعي ف يوم تقوليها ..
مفهمتهوش لسه .
