من ساعتها .....
من ساعتها النور ما أدشى
والسما طرحت غيام
والحمام بطل يغرد
ساب شوية ريش وطار . طار معدشى ..
من ساعتها الحزن عشش جوه بيتنا
حتى كلمة حزن طرحت حزن خام
حزن طير م الهوى غاز لوكسجين
خد نهارى . وسابلى . ليل
غير شماتة جاره لينا
كات ف ساعه م الساعات. جاره ولا كل الجيران .
من ساعتها . وسقف بيتنا نخورت فيه البرومه
والحديد باش م الرطوبه . والزباله شده حيلها ع السلالم
والرخام مبقاش بيلمع جوه مطبخنا الحزين
مين هيطبخ للعزومه .؟ مين هيفتح للضيوف .؟
والضيوف بعد العزومه يشكرونى ف شخصك انتى..
تسلم الايد اللى طبخت .. ( هوه دا نفس الحكومه )
من ساعتها الدنيا خربت . والأمور التافهه كبرت
والحاجات الهامه ف البيت " مش مهمه "
والزباله ريحتها طلعت... والولاد ف البيت تقولى مأجرنى ؟
والبنات اللى انتى ياما وصتينى ع البنات .من ساعتها مطنشنى
.زواحده نايمه .. وواحده بتكلم خطيبها.
وكل ما اشخط .افتكر نظرة عنيكى وانتى كنتى مروحه ..
" خلى بالك م البنان . اوعى تأسى ف يوم عليهم "
من ساعتها وحالى حال .
الهلال مبقاش هلال ,,
من ساعتها اتحكمت فينا العيال .
من ساعتها البركه قلت .والتراب غطى المراياا
والملايا لسه على حبل الغسيل من ساعتها
والعفن غطى الصحون .
والعجين اللى انتى كنتى بتخبزيه ف الفرن
لسه ع المطارح . عايزق انتى " نزرقيه "
والحنين اللى انتى ماليه فلوب بناتك بيه مفرع
بوده تيجى تقطفيه ..
.. والبوفيه برصة ايديكى من ساعتها
..؟؟ مين هيفتح قبل ما اوصل. ؟؟؟
؟ مين هيوصل قبل جرس الباب مايضرب ..؟
مين هيدى لميت تمام..
مين هيفرح ويقابلنى يخف عنى الحمل " هات "
" انت مجيش مره فاضى . دانت مالى البيت حاجات "
مين هيشخط ف البنات " قومو ياالله قابلوا ابوكم.
انتوا مابيطمرش فيكوا .. بس شاطرين كل حبه نقلبوه "
... من ساعتها وسعد الاطرش كل يوم يسأل عليكى
سعد الاطرش كل يوم يسأل نقوله . " لسه نايمه "..؟
( لسه ايييه..) لسه نايمه....
( الكريمه لسه نايمه ... طب قولولها لمل تصحى ...
سعد الاطرش نفسه ياكل من ايديكى صحن باميه..
والعيال فى البيت كمان عايزين طحين ... ) .. لما تصحى ..؟
.. من ساعتها والسكووت ف البيت . مشفر .
والهوى عمال يصفر . ف الودان . والجيران
باعتين ولادهم يخدموتى ..
والعوانس ف البلد متعشميين ..
بيقلولى " اى خدمه ..انت تؤمر .
دانت طول عمرك ياباشا ابن باشا..
دانت حاشا الله عليك من كلام الناس عليك .. دانت بيك .
ايوه يومها حلمت بيكى. لما قلت اختار شريك
. كان سؤالك ليا واضح
" نار ولادك ..واللا جنة واحده تتفرول عليك ...؟؟
..قلت ايوه .. مش هيحصل ..
هوه بعد الموز نحلى . بجبنه حادقه ..؟
هوه بعد الحسن والذوق والجمال
تيجى بعدك واحده تعمل فيها ديك ...
.... من ساعتها قلت استنى اما تصحى ...
............. لما تصحى ...؟
