( حكاية كلمة مجروحه )
و فوق جبل الحكاية شهيد
وطفل بريء
من الاكفان بيتكلم
و يتألم
واحنا في المنام عايشين
و لا قادرين
نشق الارض نتخطي
جبال الخوف
و نسمع صرخة ليها سنين
بتتعلم
تكون الغام
تهد الارض جواهم
و تحرق نبض قساهم
علي الصامتين
ول متي ؟
غزة تشكيني
و ترميني
بتوب الصمت والتايهين
بلاش الواد بيتقطع
ولا اخته بدون مطرح
وامه صرخه بتروح
وابوه ويا التراب مسكين
مفيش نخوة تصحينا
ولا احساس بيروينا
كفاكم نوم مع الغافلين
علي مبروك
