إعلان

الرئيسية » » صلاة وداعك فرض | أحمد فخري الأسواني

صلاة وداعك فرض | أحمد فخري الأسواني

Written By Unknown on الثلاثاء، 30 يونيو 2015 | 6:19 ص



صلاة وداعك فرض
-----------------------
لم الحتت على بعض
الإيد دى هاتها يمين
والرجل دى قصادها
زيح الغطا عـ العين
وجمع الجثة
سيب الجثث عـ الأرض
قوم نادى لصلاتك
صلاة وداعك فرض
إم الصفوف و ائتم بزمة المساكين
ده البحر لون الدم
لكن العمى عمى عين
ساووا الصفوف
كتفك فى كتف اخوك
حاول متتحركش
الموت ايديه طرشه
يضرب ولا يفرقش
بين ولد ثانوى
كان حلمه يحضر ماتش
وبين ست جايبه خضار
تعشى بيه جعانين
وقوم وأجمع المساكين
يحضروا الدفنه
سدوا الفُرج
الدمع طلق العين
إجهاض لنار الحزن
حتى الدموع دى فن
وأنا ابويا قالى زمان
لا كله إلا الدمع
من يومها وانا قلبى
حصالة لدموعى
الإيد تجيب الرمش
وتنزله على تحت
والعين متتكلمش
عمرى ما يوم أرتحت
صلوا صلاة مودع
الموت فى كل مكان
كل الخطاوى إليه
واقف فى ضل الشجر
فاتح ايديه الإتنين
وبيجمع الغلة
والدود بينادى عليك
مفيش هرب منه
هتروح له هتروحله
الله أكبر
حاول تسيبلك ضل
يشهد على أنك
فى يوم هنا مريت
حاولت متحاولشى
الحلم أخره كابوس
فتح عينيك وشوف
الدم مش أحمر
الدم لون الكيف
السلام عليكم ورحمة الله
السلام عليكم
يا طالع بروحك فوق
خدلى معاك جوابين
والختم بالحسرة
لكل من سبقوك
قولهم أسفين
الدم أصبح طين
هناك عـ الحدود تلاقيه
على ياقة الشاويش تلاقيه
حاضن الرصيف تلاقيه
فى وش الرغيف تلاقيه
وسط الكتب تلاقيه
فى فرش الكنب تلاقيه
وكلنا عايشين غارزين فى قلب الوحل
التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4