هالة فتحي
معذوره
لو طاش اختياري ويوم غلطت
الاهتمام اوقات بيخدع اي ست
و انا من زمان محرومه اكون
ليلى اللي ناسبها الجنون
سويت طريقى من الجراح و صالحت وعدي
و رضيت برغم انه طويل .. امشيه لوحدي
غاب القمر لما اختفى صوت الغنا
و صبح ماليش ف الكون ونيس غيري انا
كان لازم افرح لما لاح ف الضلمه نور
و كان ضروري للهوى .. يثبت حضور
معلوم غلطت اما أمنت مسلمه
الحلم عاشق لو عينيك مستسلمه
خدعتني طيبه ف شكل اشبه بالغرام
ما عرفت افرق بين معاني الاهتمام
معذوره
