محمد نصر
من عشرين سنه
كنا انا وانتي هنا
كنا بنحلم حلم بسيط
ان الحياه تجمع شملنا
لفت بينا الدنيا بقت متاهات
والغياب تختصره مسافات
مش كل الزكريات بتعيش
مش كل الماضي بيكون فات
من عشرين سنه
لسه فاكر وانتي بنت بضافير
وفاكر كحتك من دخان السجاير
وفاكر حضنك اللي دفاني
ف ليله برد ف يناير
وفاكر ضحكتك اللي بنت بنوت
ولسه عايش علي زكرا غايبه
بس رافضه تموت
من عشرين سنه
كل الاماكن اتغيرت
والمكان هو المكان
البحر وريتحه والقعده ع الرصيف
واسكندريه شاهد عيان
بعد سنين فاتو تيجي الصدفه الاغرب
طفل صغير بيقولي خد ايدي يا عمو
وما كنتش اعرف وقتها _ان حبيبتي هتبقي امه
بصيت باستغراب
كان نفسي اقولها انها لسه بتجري ف وريدي
هي ما عرفتنيش وقتها
دي عرفتني من دبله سابتها زمان ف ايدي
الشعر الابيض شب ف راسي
وملامحي اتغيرت
ورغم ان احساسي ما اتغيرش
بس احلامي اتبخرت
من عشرين سنه
ما افتكرش اني نمت يوم مبسوط
كل الحياه عياره عن وجع صخت نظرات بفعل سكوت
وشخص لما ينام بيصحي
كائنه هربان م الموت
من عشرين سنه كنت عايش
تايه في زحمه الملكوت
من عشرين سنه
الفرحه كات متزوقه بس عايشه جوه تابوت
من عشرين سنه
كنت خايب
كنت طايش
كنت فاشل
بس عايش
كنت بحيك
وكنت موحول ف حبك
من عشرين سنه ما كنتش فاكر
ان بعد عشرين سنه
هيجي يوم واقابلك
من عشرين سنه
لسه بكسر القصايد عشان اضيف اسمك
واللي كسر القصيده مش شاعر ده انسان بيحبك
عجزت الالحان تشيل لحنك من القصيده
فعملوا اللحن من ضحكك
كل اللي فارقو بيسيبوا زكرايات
وزكراكي اجمل وجع جواه فرح
فرحتي اني اكون فاكرك
وفرحه القصيده انك تكوني مفتتح
من عشرين سنه
كان نفسي اثور
كنت حرف تايه ف السطور
كنت واخد الدنيا غياب
طول ما انتي مش حضور
عشرين سنه .وحبك,,
زرعه طارحه ف ارض بور
الضحكه منك كانت بتولد نور
والدمعه كانت جنه
كان حبك فريضه وسنه
رغم ان شعري شاب
لكن احساسي لسه صبي
انا ف صلاتي بصلي لك
واتبعتك مذهبي
الجايز خارج من مجاز بمعني المفترض
عن احساس عاجز مات قبل ما يتولد
الحب كان موجود وف الوقت الحالي انقرض
والقلب لو حب عقابه انه يتجلد
من عشرين سنه كنت انا
كنت ذلك وذاك وهذا الولد
