سعيد شكري
شعب على دين الملوك ..!!
لو سقوك المر .. قربع
بوس إيدين اللى سقوك
يعنى تشرب لما تشبع
منتاش احس من ابوك ..!!
إحنا من يوم ماتخلقنا
همنا قوتنا و( خلقنا )
لأ وننسى اللى خلقنا
وخوفنا م اللى إستعبدوك ..!!
يعنى هم اليوم .. أهم
يعنى ذل .. وحرق دم
يعنى (عيش) علشان نعيش
حتى لو متعاص بدم ..!!
طاطى يابنى لينفخوك ..!!
ده احنا على دين الملوك ..!!
والملوك من جنس سامى
وسامى ده عاشت لاسامى
حتى لو فيهم حرامى
برضه اشرف من أبوك ..!!
شعب على دين الملوك ..!!
