بلــــــــياتشو ........
هالة فتحي
اه .... بلياتشــــــــو
هي شتيمه ؟ ... و لا جريمه ؟
و لا دي وصمه فـ حقي عظيمه
وشي ملخبط ... لبسي معفرت
كل ملامحي بدون تقســــيمه
طب ما انا راضي أكون متبهدل
لجل ارسم عندكوا ... تبسيمه
دنا من عمـــــــر نسيت تفاصيلي
بايع الدنــــيا و راضي قلـــــيلي
بكره ورايـــا .... وحــــــــدي معايا
كل نايــــات الكون .... مواويـــــلي
بس سماح لو جيتكوا فـ يوم
لون ضحكتي كاشف لهمــوم
كذّبــــوا عينكم قولوا دي فقــــره
و اكيد لها فـ العرض لـــــزوم
حتى دموعي لازم تتكــــذب
مش من حقي أحــــزن أو أنـــوح
ايه ذنب الجمهور يتعــــذب
لو كســــرتني آهات و جـروح
هما شــــويه بويه زياده
و رتـــوش م اللي تداري البـــوح
و أوسّع فـ الضحكه شــــويه
