ياسمين الشاذلي
سيبنى اهدى واهدى منى
احترم ضعفي وحزني
وافهم انه حقى جدا
انى اعيش ايام لوحدى
فرق واضح
بين ساعات تهريجي جدى
وانى اكون حاباك وضدى
لسة مش قد التحدى
وازدواجية ملامحك
سارقة من احلامي عندى
نفسي خلصان من زمان
كل حيلتي بس رصدى
برصد الحرب بعنيا
ايدى عاجزة عن السلاح
كنت نفسي تسيبلي طاقة
اقوى بيها عالكفاح
كنت نفسي تسيبنى عايشة
لحظة حلوة م اللي راح
قلبي الاخرس فضى شحنه
والكلام مش مستباح
سيبنى اهدى واهدى منى
احترم ضعفى وحزنى
واعرف انه حقي جدا
انى اطير بعدك واغنى
