رهان
ياسمين الشاذلي
رهان
اكتمال البدر في المشهد
مابيفسرش شبع الليل
شبح بيباعد المحتاج
حاجات من جوه مش باينة
وشوش متزوقة بمكياج
خرافي بس من برة
تعب بيحاوط الرسام
صور بتبانله في الدخان
سهر بيضفره جدران
لمعبد جوة عنيها وبس
ريشتها تخلي تصاويره
نجوم تايهه
والوان شفرة ليهم بس
وماسكة ريشة الفنان
ونجمتها الوحيدة العارفه سكتها
رهانه عليها مش خسران
لكن رهانها مستني نتيجته تبان
