كنت ضي و نور عينيها
هالة فتحي
كنت ضي و نور عينيها
كات بتعشق ضحكتك
كان هواك احساس ماليها
و الرضا كان ضمتك
كات بتعشق
ايوه كانت
عمري ما انكر حبها
بس نفسي تحس مره
اني باعشق ... زيها
مش باقارن بس قاسي
اترفض من غير حساب
هي غلطت
و النتيجه
وحدي باتحمل عقاب
زيها ساكن ف روحي
يمكن اكتر منها
هي داقت طعم حبك
كان مقابل حبها
بس انا عاشقه بخــــيالي
حب بات فوق احتمالي
وحدي باتنفس حكايتك
و احلمك طول الليالي
من بعيد من غير ما أصّرح
خايفه عينك مره تلمح
مش حيسمح تاني قلبك
ينجرح ... لكن بـيجرح
ايوه عارفه
و دي الحقيقه
حبي ليك مالهوش طريقه
فرصتي جدا بتضعف
و المشاعر ... مش جريئه
بس جنبك
حالفه لابقى
حتى اخر نبض شوق
ليل طويل
قاصد ما يخلص
قسوته بايعه الشروق
ايوه حافضل
رغم قلبك
عمره ما سمعني دقه
بالعيون استجدي حبك
و الاجابه
تمللي
لأه
مش باقارن
بس إنصــــف
هي قدرت يوم تفارق
بس قلبي
رغم رفضـــك
عند بابك ... باقي عاشق
كنت ضي و نور عينيها
كنت ليها بـ 1000 لون
بس انا مش شايفه غـــيرك
فايده تانيه للعــيون
.
