رقصة البن
ياسمين الشاذلي
رقصة البن
المطر خبط علي الارض بهداوة
الارض بترد ابتسامة بصمت
البن نادى لوالدته
قومي ارقصي
الرقص ويا المطر
اجمل غنا للقلب
قومي ارقصي
يمكن ترد الارض وتبل ريق اللي بعت
امطار كتير مراسيل
في رقص البن نتمايل
يكون الشعر رقص المطر
ع الارض
اختزال للرد
اكتفائها بالابتسامة
اغتسالها من ذنوبها
بيعلّي طعم البن
يتولد ع الارض طيف
يجري وسط البرد يحضن في الصغار
انا قلبي طير طيب اوى
لسة نازل م السما لحظة وصول الطيف
