نبوءه
نبوءه
صوره وقصيده وكام رساله
طالقين مدافعهم ف وشك
بيهددوا روحك
حالفين ليهدموا بيتك
ويحطوا فوق قلبك علامة حداد
وأنت واقف على حصانك
اللى بيرتعش تحت منك
ايدك خاليه من السلاح
بتحاول تسرب لنفسك كام شحنة تفاؤل
ويمتلى لسانك بالدعا
والرصاص عمال يقرب
وانت بتغمض عينيك
:ودموعك كلها بتنطق فى انحدارها
قل لو اجتمعت الانس والجن على ان يضروك
بشئ
لن يضروك الا بشئ قد كتبه الله عليك
فينحنى حصانك
ويتبنى بينك وبينهم
ألف سور
