مغمض
ضياء الرحمن ضياء
مغمض و شايفك بتضحك عليا
اوعاك تفكر انى مغفل و قافل عينيا
انا بس حابب ابانلك عبيط
و بايع القضية
ف احذر غبوتى و احذر سذاجتى
...و احذر ايدىا
عشان يوم ما هقلب
هتلقانى تبن
تمد انت بوزك
تغرق ف مية
تخيل ساعتها شكلك بقى
يا عم اللطيف
وانت اللى عامل فيها برم
و شب و ظريف
عيل مهواش زيك مدقدق
جابك ف لحظة على جدرو رقبتك
ف مشهد سخيف
انا بجد اسف عشان فات عليا
اول ما شفتك انى اقولك
قلبى دة ابيض
مهواش كفيف
