" بالسلامة يا ماما "
أحمد سلامة
القطر صفر عالبنات
والكمثري
حدَف التذاكر كلها بره الشبابيك القديمة
لم كل الألبومات
والعطاشجي
بدِّل الفحم النوبادي
بالملبس
والجاتوه
دوّر القطر اللي واقف ع المحطة من زمان
لآخره volume داس على الـ
لاجل تعلى السماعات
خلى كل القطر غنى
غصب عنه
وبمزاجه :
" ما تزوقيني يا ماما "
" قوام يا ماما "
***
الساعة 12 نص الليل
والتوب الأزرق
والفنجان
مش مـ المعازيم
وعيال الحتـة اصطفو طابور من عالـ جمبين
والنور الأصفر عالبلكونة
مع الزغرودة
بيعمي العين
والبـت الجيبة أم الكشكول
والتوكة الموف
لابسة الأبيض
وسط السواريه
والبدلة الكحلي اللي فـ إيدها بتتحداني
فـ عشرة طاولة
وأنا أصلا بالعب كاراتيه
صفر يا وبور
ماتعصبنيش
شغل من تاني الأغنية
إبدأ من آخر الكوبليه
ده عريسي هياخدني
ده عريسي هياخدني
" بالسلامة يا ماما "
