ف يوم يتيــم
أسامة سند
ف يوم يتيــم
والشِّعـــر معروف إنه سادى
يهوى تعذيب النفــوس الضيَّقه
كربــاجه إدمـــان الصوَّر
والتركيبات الحيَّه
من أمـــاكن الضلمه
اللى عشش فيهـــا عصفــور الكناريا
ف يوم يتيـــم
شجـــر بــوسع غابة الأرواح
بعيــــــــــــــــــد
عليهــا موز الجنَّه كله
والملايكه والقرود والأنبيـــا
بيطسوا تسبيحهم
وبيسيبوا الذنوب ع الأرض تحت
ف يـــوم يتيم
كان الحرملـــك أوضه زحمه
بس فاضيــه م الحريـــم
لأنهـــم فى جزء من قلب الأمير
قلب الأمير
يســـاوى نص المملكه
سيف العبيـــد
يســاوى حب النــاس لتمجيده
لكــــن من كتر هيبة العبد
أصبح سيد
ومن كتـــر القلوب فى المملكه
بقـــى الأميـــر .. يساوى تاج
فى يـــوم يتيم
حاسس بشئ بيشدنى
يخطفنــى للقا
وحلمــــى اللى إبتدى ينغص عليا
وبستخـــــبى جوا روح الدلعدى
البنت الحنونه الطيبَّة
كل الأمانـــى يا حبيبتى
بكره تبقى قريبة
والغنـــوة قبل الشِّعر كُفــر
وبعده منكر مستحب
قلبـــى اللى ساع الدنيا غُربة
فجأة حَـــب
وخـــاف يكون جواكى أكتر م اللزوم
لا يدوب ف رؤيتك
ويخســـر كل دقة فاضلة فيه
ف يـــوم يتيم
خـــايف لبكــــره يكون له أب
