لحظه كده
يمكن دلوقتي افوق
ممكن كمان لحظه
سيبلي كمان لحظه
ممكن يكون ده حلم وخالي من اللذات
واصحي من حلمي في لحظه من اللحظات
وتختفي شيبتي
وتختفي خيبتي
وارجع اعيش تاني في الدنيا دي بثبات
اصل انا فاكر في وقت من الاوقات
غنينا كام غنوه
والدنيا كانت حلوه
والجو كان دافي وبرضه فيه نسمات
احمد ومينا وسيد كانو سوا أخوات
والحلم كان سايد
والحب كان زايد
والمصلحه واحده ومكنش في حوارات
والكل كان فاهم نحكي ونتفاهم ونحل في الازمات
العقل كان موجود
والحزن كان محدود
وروحنا كانت حره مش ملك للشهوات
وحلمنا كان بكر نحلم بتحقيق ذات
سيبني كده لحظه
ممكن كمان لحظه
هو انا عايش حلم ولا حلمي اللي مات؟؟
لو كنت انا بحلم هاتلي من الواقع اي دليل اثبات
