وساعات بتوه مني
وساعات بلاقيني
ياللي مشيتو الطريق
قولوا
علي فين موديني
ومنين أجيب الزاد
ومين هيرويني
دي حاجات وراها حاجات
أيامي وسنيني
طعم الفراق وياه
طعم اللقا باقي
جوايا نفس الآه
عطشان
و مين ساقي؟
يخذلني يوم حلمي
تسندني أشواقي
حتي الصحاب
بهتوا
_لامؤاخذه يا رفاقي_
نحت الدموع في العين
بيشيل كتير م الزيف
و سيلها ع الخدين
يمحي آثار الخوف
وطعم السنين المرة
والأعذار والظروف
ولما تنجلي مرة
ألمح بنورها طيف
يضحكلي كدا في سره
و يبعد
يسيبني خريف !
