قلبي الرهيف
=======
=======
ح اكتب واقول ...
أنا كنت عايش في الشرود
أرحل واعود
والحلم لما بيبتدي ..
ويقول ريدي ...
القى السدود !
*****
قلبي الرهيف
مسكين ضعيف
حلمه الكبير ..
إنـُّه يلاقي الكون براح
أمـَّا غذاه ...
فرغيف مودَّه يشبعـُه
وغموسه من حبـِّة سَـمـَاح
قلبي أنا ...
شايف ليالينـا المـِلاح
ح تكون ملاح
لو كـنـَّا مرَّه نستمع
وبـْحـُـب دايماً نجتمع
وندانا حيِّ على العمل
وغذانا حيِّ على الفلاح .
عادل عثمان الحجـار
===========
